ఉద్యమ కెరటం నేరడిగొండ : అందరం కలసి సమిష్టి కృషితో సిరికొండ గ్రామాన్ని అభివృద్ధి పథంలో నడుపుదామని బోథ్ నియోజకవర్గ కాంగ్రెస్ పార్టీ ఇంచార్జి ఆడే గజేందర్ (Ade Gajender) అన్నారు.ఇటీవల నూతనంగా ఎన్నుకోబడ్డ సిరికొండ గ్రామ సర్పంచ్ దత్తు, ఉప సర్పంచ్ తోకల రాజు లను ఆదివారం మండలకేంద్రంలోని క్యాంప్ కార్యాలయంలో ఆయన శాలువాతో ఘనంగా సన్మానించి శుభాకాంక్షలు తెలిపారు.వీరితో పాటు వార్డు సభ్యులను గ్రామ పెద్దలను  అభినందించారు.ఈ సందర్బంగా అయన మాట్లాడుతూ,ఎలాంటి చిన్న సమస్య ఉన్న తమ దృష్టికి తీసుకురావాలని అన్నారు. అందరం కలసి సిరికొండ గ్రామాన్ని అభివృద్ధి చేసుకుందామని ఆయన అన్నారు. ఈ కార్యక్రమంలో మండల అధ్యక్షులు షేక్ ఇమామ్, మాజీ జడ్పీటీసీ సభ్యులు రఘునాథ్,బియ్యల రాజేశ్, సురేష్, యాదవ రావు,లస్మన్న, ఎల్లయ్య, లక్ష్మణ్,రంజాన్, ఇమామ్,సందీప్, రామారావు, తదితరులు పాల్గొన్నారు.

ఉద్యమ కెరటం, ఆసిఫాబాద్ టౌన్: జిల్లా కేంద్రంలో 1999వ వ సంవత్సరంలో  సెయింట్ జోయల్స్ ఇంగ్లీష్ మీడియం   పాఠశాల స్థాపించి ఎందరో విద్యార్థులకు విద్యాబోధన చేసి విద్యార్థుల ప్రగతికి నిరంతరం కృషి చేస్తున్న కరస్పాండెంట్ పరదేశి  దేవాబుషణం కు అరుదైన అవార్డు దక్కింది. నాణ్యమైన విద్యా బోధన తో పాటు విద్యార్థుల సామర్థ్యం పెంపుదల విశిష్టమైన విద్య సేవలు. తదితర అంశాలను పరిగణలోకి తీసుకొని రాష్ట్రస్థాయిలో ఈ అవార్డులు అందిస్తుండగా సెయింట్ జోయల్స్   ఇంగ్లీష్ మీడియం పాఠశాల కరస్పాండెంట్  ఈ అవార్డు ఎంపికైనారు.రాష్ట్ర రాజధాని హైదరాబాదులో   ఈ అవార్డు అందుకున్నారు. గత  మూడు దశబ్దాలకు పైగా విద్యభివృద్ధికి పాటుపడ్తుండగా ఈ ఏడాది వరుసగా రెండు అవార్డు లు దక్కడం అనందంగా ఉందని . అవార్డు మరింత బాధ్యత పెంచిందాన్నారు. హైద్రాబాద్ లోని  హైటెక్స్  సీటీ లో నిర్వహించిన ఈ అవార్డు పంపిణీ కార్యక్రమం లో రాష్ట్ర మంత్రి పొంగులేటి శ్రీనివాసరెడ్డి ట్రాస్మా రాష్ట్ర అధ్యక్షులు శివరాత్రి యాదగిరి. రాష్ట్ర గౌరవ అధ్యక్షులు యాదగిరి శేఖర్ రావ్ డాక్టర్ పరంజ్యోతి రాష్ట్ర గౌరవ అధ్యక్షులు పెద్దపల్లి కిషన్ రావ్ విష్ణువర్ధన్  తదితరులు పాల్గొన్నరు

ఉద్యమ కెరటం, అసిఫాబాద్: జిల్లాలో తొలి విడత గ్రామ పంచాయతీ ఎన్నికల ఫలితాల అనంతరం ఎలాంటి విజయోత్సవ ర్యాలీలు, ఊరేగింపులు, టపాకాయలు కాల్చడం లాంటి చర్యలకు అనుమతి లేదని జిల్లా ఎస్పీ నితికా పంత్  స్పష్టం చేశారు. గెలిచిన అభ్యర్థులు ఎన్నికల ప్రవర్తనా నియమావళికి లోబడి ఉండాలని సూచించారు. ప్రస్తుతం జిల్లాలో గ్రామ పంచాయతీ ఎన్నికల ఫలితాల లెక్కింపు ప్రక్రియ కొనసాగుతున్న సందర్భంగా, శాంతిభద్రతల పరిరక్షణ దృష్ట్యా అందరూ సమన్వయం పాటించాలని తెలిపారు.  లెక్కింపు కేంద్రాల వద్ద శాంతిభద్రతలు కాపాడేందుకు,ఎలాంటి అసాంఘిక చర్యలు చోటుచేసుకోకుండా చూసేందుకు మొత్తం 750 మంది పోలీస్ అధికారులు, సిబ్బంది విధుల్లో ఉన్నారని పేర్కొన్నారు. లెక్కింపు కేంద్రాల పరిసరాల్లో ప్రత్యేక బందోబస్తు, క్యూ.ఆర్.టి టీంలు,  స్ట్రైకింగ్ ఫోర్సులు సిద్ధంగా ఉంచబడ్డాయని ఆమె తెలిపారు. జిల్లా పోలీస్ శాఖ ప్రత్యేక నిఘా ఏర్పాటు చేసిందని, ర్యాలీలు లేదా ఊరేగింపులు నిర్వహించుట కొరకు సంబంధిత అధికారుల ఉత్తర్వుల మేరకు వారు నిర్దేశించిన తేదీల్లో మాత్రమే జరుపుకోవాలని తెలిపారు. నిబంధనలకు విరుద్ధంగా ప్రవర్తించే వారిపై చట్టపరమైన చర్యలు ఉంటాయని జిల్లా ఎస్పీ హెచ్చరించారు. ప్రజలందరూ శాంతి, సామరస్య వాతావరణాన్ని కాపాడాలని, ఫలితాలను పరస్పర గౌరవంతో స్వీకరించాలని ఎస్పీ  సూచించారు.

ఉద్యమ కెరటం, కామారెడ్డి జిల్లా ప్రతినిధి: జిన్నింగ్ మిల్లులలో రైతులకు ఎలాంటి ఇబ్బందులు కలగకుండా తగిన చర్యలు తీసుకోవాలని జిల్లా అదనపు కలెక్టర్ వి విక్టర్ మార్కెట్ కమిటీ కార్యదర్శిని ఆదేశించారు. మంగళవారం కామారెడ్డి జిల్లా అదనపు కలెక్టర్ వి విక్టర్ మద్నూర్ మండలంలో   అంతరాష్ట్ర సరిహద్దు వద్ద ఏర్పాటు చేసిన చెక్ పోస్ట్ ను తనిఖీ చేశారు.తెలంగాణ రాష్ట్రంలో వరి కోనుగోలు కేంద్రాలు కొనసాగుతున్నాయని, సన్న వడ్లకు 500 బోనస్ ను రాష్ట్ర ప్రభుత్వం ఇస్తున్నందున ఇతర రాష్ట్రాల నుండి తెలంగాణ రాష్ట్రం లోకి సన్న వడ్లు రాకుండా రాష్ట్ర సరిహద్దు వద్ద చెక్ పోస్ట్ ను ఏర్పాటు చేసినట్లు తెలిపారు. అదే విధంగా పత్తి పంటను మార్కెట్ కు వస్తున్నందున దానికి సంబంధించిన జిన్నింగ్ మిల్లు ను పరిశీలించారు. మిల్లులో తీసుకుంటున్న జాగ్రత్తలు ఏర్పాట్లను పరిశీలించారు.ఆయన  వెంట తహసీల్దార్ ఎం డి ముజీబ్, సివిల్ సప్లై నాయబ్ తహసిల్దార్ ఖలీద్, రెవెన్యూ, పోలీస్, మార్కెట్ కమిటీ సిబ్బంది తదితరులు పాల్గొన్నారు.

ఉద్యమ కెరటం, హైదరాబాద్ : చేవెళ్ల మాజీ శాసనసభ్యులు, ఎన్ఎస్ఎస్ వార్తా సంస్థ మేనేజింగ్ డైరెక్టర్ కొండా లక్ష్మారెడ్డి (84) మృతి పట్ల ఇండియన్ జర్నలిస్ట్స్ యూనియన్(ఐజేయు) జాతీయ అధ్యక్షులు, తెలంగాణ మీడియా  అకాడమీ ఛైర్మన్ కె. శ్రీనివాస్ రెడ్డి, జాతీయ మాజీ అధ్యక్షులు, స్టీరింగ్ కమిటీ సభ్యులు దేవులపల్లి అమర్, తెలంగాణ రాష్ట్ర వర్కింగ్ జర్నలిస్టుల సంఘం (టీయూడబ్ల్యూజే) రాష్ట్ర అధ్యక్ష, ప్రధాన కార్యదర్శులు కె.విరాహత్ అలీ, కె. రాంనారాయణ, ఐజేయు కార్యదర్శి వై. నరేందర్ రెడ్డి, జాతీయ కార్యవర్గ సభ్యులు కె. సత్యనారాయణ, టీయూడబ్ల్యూజే ఉప ప్రధాన కార్యదర్శి కె. రాములులు ఒక ప్రకటనలో ప్రగాఢ సంతాపాన్ని వ్యక్తం చేశారు. ఉమ్మడి ఆంధ్రప్రదేశ్ రాష్ట్ర మాజీ ఉప ముఖ్యమంత్రి కొండా వెంకట రంగారెడ్డి మనుమడైన లక్ష్మారెడ్డి గతంలో ఆంధ్రప్రదేశ్ స్పోర్ట్స్ అథారిటీ చైర్మన్ గా,  ఆంధ్రప్రదేశ్ కాంగ్రెస్ కమిటీ గ్రీవెన్స్ సెల్ అధికార ప్రతినిధిగా పలు హోదాల్లో పని చేశారని వారు తెలిపారు.1999, 2014 లో రెండు పర్యాయాలు లక్ష్మారెడ్డి హైదరాబాద్ లోక్ సభ నియోజకవర్గం నుండి కాంగ్రెస్ అభ్యర్థిగా పోటీ కూడా చేశారన్నారు. జర్నలిజం వృత్తి పట్ల గల ఆసక్తి,  నిబద్ధత కారణంగా 1980లో ఆయన న్యూస్ అండ్ సర్వీసెస్ సిండికేట్(ఎన్ఎస్ఎస్) అనే ఒక వార్తా సంస్థ ప్రారంభించారని వారు పేర్కొన్నారు. హైదరాబాద్ ప్రెస్ క్లబ్ అధ్యక్షులుగా,  జర్నలిస్టుల సహకార గృహ నిర్మాణ సంఘం అధ్యక్షులుగా,  ఉమ్మడి ఆంధ్రప్రదేశ్ వర్కింగ్ జర్నలిస్టుల యూనియన్ రాష్ట్ర కార్యవర్గ సభ్యుడిగా జర్నలిస్టులకు లక్ష్మారెడ్డి సేవలందించారని వారు తెలిపారు. ఏపీయూడబ్ల్యూజేలో కొండా లక్ష్మారెడ్డి తో కలిసి పని చేసిన సందర్భాలను, ఆయన సేవలను ఈ సందర్బంగా వారు గుర్తు చేసుకున్నారు.

భీం తాతా నువ్వు మళ్లీ పుట్టాలి

ఆదివాసీల పోరాట వీరుడు కొమరం భీం

జల్ , జంగల్ , జమీన్ కోసం ఆరాటం

నేటికీ నెరవేరని యోధుడి ఆశయం 

ఉద్యమ కెరటం, ఆసిఫాబాద్ జిల్లా ప్రతినిధి : జల్...జంగల్... జమీన్.... నినాదంతో భూమి , నీరు, అడవి కోసం అప్పటి నైజాం ప్రభుత్వంలోని మిలటరీతో సాయుధ పోరాటాలు చేసి అసువులు బాసాడు ఆదివాసుల ముద్దుబిడ్డ కొమురం భీం. ఆయన పోరాటం చేసి 85 ఏళ్లు గడుస్తున్నా. అతడీ ఆశయం మాత్రం నెరవేరలేదు. నేటికీ తాగునీరు, సాగునీరు, సరియైన రోడ్లు , పాఠశాల లేని పల్లెలు కోకోల్లలు .. ' అందుకే.. భీం తాతా నువ్వు మళ్లీ పుట్టాలి 'అంటున్నారు అమాయక ఆదివాసుల వారసులు. నేడు జోడేఘాట్ లో కొమరం భీం 85 వ వర్ధంతి నిర్వహిస్తున్న సందర్భంగా "ఉద్యమ కెరటం" ప్రత్యేక కథనం.

పట్టని ఆదివాసుల హక్కులు..

ఎన్నో ప్రభుత్వాలు మారిన నాటి నుంచి నేటి వరకు ఆదివాసుల తలరాతలు మాత్రం మారడం లేదు. దయానియా పరిస్థితిలో జీవితాలు గడుపుతున్నారు. నీరు, భూమి, అడవి పై ఇంకా వీరికి స్వాతంత్రం రాలేదు. గిరిజనుల కోసం అనేక చట్టాలు ఉన్నప్పటికీ క్షేత్రస్థాయిలో అమలు కాకపోవడం అభివృద్ధికి ఆమడ దూరంలో ఉన్నారు.

ఉద్యమ కెరటం , ఆసిఫాబాద్ జిల్లా ప్రతినిధి : ఆదివాసి ఉద్యమ పోరాట యోధుడు, ఆదివాసీల ఆరాధ్య దైవం కొమురం భీం.. ఆసిఫాబాద్ మండలం రౌటసంకేపల్లిలో కొమురం చిన్ను, సోంబాయి దంపతులకు 1901 లో జన్మించిన ఆయన నిజాం ప్రభుత్వ దోపిడి, దౌర్జన్యాలను వ్యతిరేకిస్తూ విరోచితంగా పోరాడారు. అడవి పై ఆదివాసులకు హక్కులు కల్పించాలని జల్ ,జంగల్ ,జమీన్ నినాదంతో ఉద్యమం చేపట్టారు. నేడు కొమరం భీమ్ వర్ధంతి నేపథ్యంలో ఆయన పోరాటం పై "ఉద్యమ కెరటం" ప్రత్యేక కథనం. 

ఆకృత్యాలను చూడలేక..

గిరిజన ప్రాంతాల్లో పెత్తందారులు, అటవీ శాఖ అధికారుల ఆకృత్యాలను కొమరం భీమ్ కళ్ళారా చూశారు. మేకల మేత కోసం చెట్టుకొమ్మ కొట్టిన తన స్నేహితుడు పై చేతివేళ్లను జంగ్లాత్ సేరేదార్ నరికించడాన్ని చూసి భీమ్ కన్నీరు మున్నీరయ్యారు. తండ్రి చిన్ను విష జ్వరంతో మృతి చెందడంతో సోదరులు సోము, బొజ్జుతో కలిసి రౌటసంకేపల్లిని వీడి కెరమెరి మండలం సుర్దాపూర్ కు చేరుకున్నారు. అక్కడ ఆదివాసులు నెలల తరబడి అడవిని నరికి సేద్యం చేయగా, పంట చేతికొచ్చే సమయానికి జాగిర్దార్ భూముల స్వాధీనం చేసుకునేందుకు యత్నించాడు. జాగిర్దార్ పై దాడి చేయడంతో అతడు అక్కడికక్కడే మృతి చెందాడు. భీమ్ అక్కడి నుంచి పారిపోయి బల్లార్షా మీదుగా మహారాష్ట్రలోని చాందా చేరుకున్నారు. అక్కడ కొంతకాలం పని చేసి అస్సాం వెళ్ళిపోయారు. కాఫీ ,తేయాకు తోటల్లో పనిచేస్తూ ఐదేళ్లు గడిపారు. 

దట్టమైన అడవుల్లో పోరాటం..

అస్సాం నుంచి తిరిగి వచ్చిన కొమురం భీం కెరమేరి మండలం జోడేఘాట్ కేంద్రంగా నిజాం సర్కార్ పై గేరిల్ల పోరాటం చేశారు. ఆయనకు సూరు, వెడమ రాము సహచరులుగా ఉన్నారు. యువకులకు శిక్షణ ఇచ్చారు. ప్రభుత్వానికి పన్నులు చెల్లించవద్దని గ్రామాల్లో ప్రజలను చైతన్య పరిచారు. అప్పుల పేరుతో పంట దోచుకునేందుకు వచ్చే వ్యాపారులు, పన్ను వసూళ్లకు వచ్చే రెవెన్యూ అధికారులపై దాడులు కొనసాగించారు. బాబేఝరి కేంద్రంగా గిరిజనులు అడవి నరికి 12 పోరు గ్రామాలకు ఏర్పాటు చేశారు. నిజాం సర్కారు వారిపై కేసు పెట్టింది. కేసుల నుంచి విముక్తి కోసం హైదరాబాద్ వెళ్లిన భీంకు నవాబు కలిసే అవకాశం దొరకలేదు. ఆయన తిరిగి వచ్చేసరికి జంగ్లాత్ , తదితరులు 12 గ్రామాలపై విరుచుకుపడి తగులబెట్టారు. కలత చెందిన బీమ్ జల్ జంగల్ జమీన్ సాధించాలంటే ఇంటికో పోరాట యోధుడు కావాలని పిలుపునిచ్చారు. గిరిజన యువకులతో సాయుధ దళం ఏర్పాటు చేశారు.

అనుచరుడి వెన్నుపోటుతో మరణం...

నిజాం ప్రభుత్వం చర్చలకు సబ్ కలెక్టర్ ను జోడేఘాట్ కు పంపించింది. 12 గ్రామాలకు పట్టాలిస్తామని అప్పులన్నీ మాఫీ చేస్తామని ప్రతిపాదించాడు. కానీ భీం 12 గ్రామాల మీద రాజ్యాధికారం కావాలని డిమాండ్ చేయడంతో చర్చలు విఫలమయ్యాయి. విషయం నిజాం రాజుకు తెలియడంతో ఆగ్రహానికి గురై భీముని అంత మోదించాలని ఆదేశించారు. 1940లో దాదాపు 7 నెలల పాటు భీమ్ అనుచరులు, నిజాం ప్రభుత్వ సేనల మధ్య యుద్ధం సాగింది. భీమ్ అనుచరుడు మడవి కొద్దు ఇచ్చిన సమాచారంతో అక్టోబర్ 10న భీకరపోరులో కొమురం భీం నేలకొరిగారు. నాలుగు దశాబ్దాలుగా ఏటా జోడేఘాట్ భీమ్ వర్ధంతి నిర్వహిస్తున్నారు. గిరిజనుల సమస్యల పరిష్కారం కోసం ఐటీడీఏ ఆధ్వర్యంలో దర్బార్ ఏర్పాటు చేస్తున్నారు.

ఉద్యమ కెరటం, డెస్క్: ఆదివాసుల ఆరాధ్య దైవమైన కొమురం భీమ్ వర్ధంతిని ప్రభుత్వం రాష్ట్ర పండుగగా  తెలంగాణ ప్రజా ప్రభుత్వం ఇచ్చింది. ఈ నేపథ్యంలో గిరిజన శాఖ ఉత్తర్వులు జారీ చేసింది. ఈ నెల 7వ తేదీ ఆశ్వయుజ పౌర్ణమి రోజున అధికారికంగా జిల్లాలోని కెరమెరి మండలం జోడేఘాట్ ప్రాంతంలో కొమురం భీం వర్ధంతి వేడుకలను నిర్వహించడం జరుగుతుంది.కొమురం భీమ్ వర్ధంతిని ప్రభుత్వం రాష్ట్ర పండుగగా గుర్తింపు ఇవ్వడం పట్ల ఆదివాసి సంఘాల నాయకులు హర్షం వ్యక్తం చేస్తున్నారు.

ఉద్యమ కెరటం, ఆసిఫాబాద్ : కొమురం భీం 85వ వర్ధంతిని పురస్కరించుకొని జిల్లాలోని ప్రభుత్వ, ప్రైవేటు విద్యా సంస్థలకు (పాఠశాలలు, కళాశాలలు) సెలవు ప్రకటించడం జరిగిందని జిల్లా కలెక్టర్ వెంకటేష్ దోత్రే  తెలిపారు. జిల్లాలోని కెరమెరి మండలం జోడేఘాట్ ప్రాంతంలో కొమురం భీమ్ వర్ధంతి వేడుకలను ఘనంగా నిర్వహించడం జరుగుతుందని తెలిపారు. ఈ నెల 7వ తేదీన ప్రకటించిన సెలవుకు బదులుగా నవంబర్ 8వ తేదీ రెండవ శనివారం రోజున పని దినముగా నిర్వహించడం జరుగుతుందని తెలిపారు.

ఉద్యమ కెరటం, సిర్పూర్ టీ : సిర్పూర్ టి జడ్పిటిసి గా పోటీ చేస్తానని యువ న్యాయవాది కే కిషోర్ తెలిపారు. మంగళవారం ఆయన మాట్లాడుతూ స్థానిక పేద వర్గ ప్రజల సమస్యల పరిష్కారం కొరకు తోడ్పడుతానని తెలిపారు. సిర్పూర్ టి నియోజకవర్గం లోని సమస్యలు క్షేత్రస్థాయిలో తనకు తెలుసు అని , సిర్పూర్ టి ప్రజలు అవకాశం ఇస్తే సమస్యల పరిష్కారం కోసం ప్రజలకు అండగా ఉంటానన్నారు. 2018లో సిర్పూర్ నియోజకవర్గం శాసనసభ ఎన్నికల్లో అంబేద్కర్ రైట్ పార్టీ ఆఫ్ ఇండియా తరపున పోటీ చేశానని తెలిపారు. తనకు నియోజకవర్గ ప్రజలు ఎదుర్కొంటున్న సమస్యలపై పూర్తి అవగాహన ఉందన్నారు. సిర్పూర్ టి మండలలోని మారుమూల గ్రామాలు ఇప్పటికీ సమస్యలతో ప్రజలు సతమతమవుతున్న పాలకులు సమస్యలు పరిష్కరించడంలో పూర్తిగా విఫలమయ్యారన్నారు. మారుమూల గ్రామాల అభివృద్ధి కోసం తన వంతు పూర్తి కృషి చేస్తానని తెలిపారు. మోసపూరిత పార్టీలకు, నాయకులతో ప్రజలు అప్రమత్తంగా ఉండి వారికి బుద్ధి చెప్పాలని తెలిపారు. ప్రజలు స్థానికంగా ఉండే విద్యావంతులకు అవకాశం కల్పించాలని కోరారు. ప్రజలకు ఎల్లప్పుడూ అందుబాటులో ఉంటూ ప్రజల మనిషిగా సేవ చేస్తానన్నారు. జాతీయస్థాయి పార్టీ తరపున సిర్పూర్ టి జడ్పిటిసిగా పోటీ చేస్తానని తెలిపారు.

ఉద్యమ కెరటం, నిజామాబాద్ : తెలంగాణ రాష్ట్ర వ్యాప్తంగా స్థానిక ఎన్నికలకు రాష్ట్ర ప్రభుత్వం గ్రీన్ సిగ్నల్ ఇచ్చింది. అక్టోబర్ 9 నుంచి జడ్పిటిసి ఎంపీపీ ఎన్నికలు ప్రారంభం కానున్నాయి. అయితే బాన్సువాడ నియోజకవర్గంలో ప్రధానంగా కాంగ్రెస్ బిజెపి రెండు పార్టీల మధ్యనే పోటీ ఉంటుందని రాజకీయ విశ్లేషకులు చెప్పుకొస్తున్నారు. గడిచిన 10 సంవత్సరాలలో బారసా పార్టీ జెండా బాన్సువాడ నియోజకవర్గంలో రెపరెపలాడింది, అయితే గడిచిన అసెంబ్లీ ఎన్నికల్లో కాంగ్రెస్ పార్టీ అధికారంలో రావడంతో బరాస పార్టీలో ఉన్న నాయకులు డైరెక్ట్ ఇన్ డైరెక్ట్ గా కాంగ్రెస్ పార్టీ లో చేరారు.నియోజకవర్గంలో బరసా పార్టీ బలాన్ని పుంజుకునేందుకు కల్వకుంట్ల కవిత  ప్రయత్నాలు చేశారు. అయితే గత కొద్ది రోజుల క్రితం బరాస పార్టీ నుంచి కల్వకుంట్ల కవితను సస్పెండ్ చేయడం జరిగింది. నియోజకవర్గం లో బిఆర్ఎస్ పార్టీపై అభిమానంతో కొందరు ఇంకా బారసా పార్టీలోనే కొనసాగుతున్నారు. కేంద్రంలో బిజెపి,రాష్ట్రంలో కాంగ్రెస్ అధికారంలో ఉండడంతో అధికార పార్టీల వైపే ప్రజలు ఓట్లు  వేసే అవకాశాలు ఎక్కువగా ఉన్నాయని కాంగ్రెస్,బిజెపి పార్టీ టికెట్ల కోసం స్థానిక నాయకులు  కష్టపడుతున్నారు. ఈసారి స్థానిక ఎన్నికల్లో బీజేపి పార్టీని తక్కువ అంచనా వేయరాదని యువత  బీజేపీ వైపు ఎక్కువ మోతాదులో వెళ్లే అవకాశాలు ఉన్నాయని రాజకీయ మేధావులు చెబుతున్నారు. అదేవిధంగా రాష్ట్రవ్యాప్తంగా కాంగ్రెస్ పార్టీ అధికారంలో ఉండడంతో సంక్షేమ పథకాలకు ఆకర్షితులై  ప్రజలు కాంగ్రెస్ పార్టీని గెలిపించే అవకాశాలు ఉన్నాయి. నాయకులు కూడా ఈ రెండు పార్టీల టికెట్ల కోసమే రికమండేషన్లు మొదలుపెట్టారు. ఎన్నికల్లో ఎవరు గెలిచినా కాంగ్రెస్ బిజెపి మధ్య గట్టి పోటీ ఉంటుందని నియోజకవర్గ ప్రజలు చెబుతున్నారు.

ఉద్యమ కెరటం , నిజామాబాద్ :  నిజామాబాద్ జిల్లాలో కొత్తగా ఏర్పడిన మండలం పోతంగల్ (Pothangal) మహారాష్ట్ర సరిహద్దు ప్రాంతాలకు దగ్గర్లో ఉన్న గ్రామం. పోతంగల్ ప్రేమ ఆప్యాయత అక్కడి ప్రజల నైజం. పోతంగల్ గ్రామంలో గత 20 సంవత్సరాలుగా పోచారం శ్రీనివాస్ రెడ్డి (Pocharam Srinivas Reddy) అడుగుజాడల్లో నడుస్తూ ప్రజా సేవ చేస్తూ వస్తున్న వ్యక్తి షేక్ సందాని (Shaik Samdani). గడిచిన ఎంపిటిసి ఎన్నికల్లో పోటీ చేసి ఓటమి పాలయ్యారు. అయితే ఈసారి స్థానిక సర్పంచ్ ఎన్నికల్లో  గ్రామ ప్రజల ఆశీర్వాదంతో పోటీ చేయనున్నట్లు తెలుస్తుంది. పోతంగల్ గ్రామంలో 6 వేలకు పైగా ఓటర్లు  ఉన్నారు. అయితే అందులో 2వేల కు పైగా మైనారిటీ ఓట్లు ఉన్నాయి, ఎస్సీ ఎస్టీ బీసీ వర్గాల్లో తనదైన శైలితో సంధాని పేరు సంపాదించుకున్నారు. అయితే రాబోయే ఎన్నికల్లో సర్పంచ్ గా కాంగ్రెస్ పార్టీ తరఫున  పోటీ చేస్తే ఆయన గెలుపు ఖాయమని కొందరు రాజకీయ విశ్లేషకులు చెబుతున్నారు. టిడిపి,బిఆర్ఎస్ పార్టీల నుంచి సేవ చేస్తూ వస్తున్న సంధాని ఇప్పుడు కాంగ్రెస్ పార్టీ తరఫున పోటీ చేసే అవకాశాలు ఉన్నాయని స్థానిక ప్రజలు చెబుతున్నారు. బాన్సువాడ నియోజకవర్గ నాయకులు షేక్ సందాని కి కాంగ్రెస్ పార్టీ తరఫున టికెట్ ఇవ్వాలని ఆయన అనుచరులు కోరుతున్నారు.

ఉద్యమ కెరటం , నిజామాబాద్: నిజామాబాద్ జిల్లా కోటగిరి మండల కేంద్రంలో మధ్యతరగతి కుటుంబానికి చెందిన జుబేర్ గత 12 సంవత్సరాల క్రితం రాజకీయాల్లోకి అడుగు పెట్టారు. తెలంగాణ ప్రత్యేక రాష్ట్రం ఏర్పడిన తర్వాత నుంచి ఇప్పటిదాకా తెలంగాణ రాష్ట్ర మాజీ సభాపతి పోచారం శ్రీనివాస్ రెడ్డి గెలుపు కోసం ఆయన మూడు ఎన్నికల్లో కష్టపడ్డారు. ఇప్పటిదాకా ఎటువంటి పదవులకు ఆశించకుండా ప్రజాసేవ తన లక్ష్యంగా భావించి మైనార్టీలను కోటగిరి మండలంలో ముందంజలో తీసుకెళ్లడంలో జుబేర్ పాత్ర ఎంతైనా ఉందని స్థానిక మైనార్టీలు చెబుతారు. జడ్పిటిసి ఎంపీపీ  నోటిఫికేషన్ విడుదలైన తరువాత రిజర్వేషన్లు ఖరారు చేసిన నేపథ్యంలో జుబేర్ కోటిగిరి మండలంలో ఎంపీటీసీగా పోటీ చేస్తే గెలవడం ఖాయమని తన మౌనవ స్వభావంతో చిన్న పెద్ద తేడా లేకుండా అందరి వాడిలా కోటగిరి మండల కేంద్రంలో తనదైన శైలితో జుబేర్ పేరు సంపాదించుకున్నాడు. ప్రస్తుతం కోటిగిరి మండల కేంద్రంలో కాంగ్రెస్ పార్టీ కోసం సేవ చేస్తున్న జుబేర్ ను బాన్సువాడ నియోజకవర్గ  నాయకులు ఎంపీటీసీ టికెట్ కేటాయించాలని కోటగిరి మండల ప్రజలు కోరుతున్నారు.

ఉద్యమ కెరటం, వాంకిడి : ప్రజలకు ఏ రకమైన అనుమతులు ఇవ్వాలన్న చెయ్యి తడిపితే తప్ప పని అవ్వడం లేదు. వారి అవకాశాన్ని ఆసరా చేసుకుని సొమ్ము లూటీ చేస్తున్న గ్రామ పంచాయతీ కార్యదర్శి పని తీరుపై అసహనం వ్యక్తం చేస్తున్న గ్రామస్తులు. కొమరం భీమ్ ఆసిఫాబాద్ జిల్లా వాంకిడి మండలంలోని ఖమాన గ్రామపంచాయతీ కార్యదర్శి పై అవినీతి ఆరోపణాలు చేస్తూ గ్రామస్తులు జిల్లా కలెక్టర్, ఉన్నతాధికారులకు ఫిర్యాదు చేశారు. ఈ నేపథ్యంలో మంగళవారం ఎంపీడీవో జావిద్ , ఏపీ శ్రావణ్ కుమార్ విచారణ కోసం ఖమాన గ్రామపంచాయతీకి వచ్చారు. ఈ సందర్భంగా గ్రామస్తులు గ్రామపంచాయతీ కార్యదర్శి పై తీవ్రమైన ఆరోపణలు చేస్తూ అతనిపై చర్యలు తీసుకోవాలని ఎంపీడీఓ కు వినతి పత్రం అందజేశారు. అంతకముందు పంచాయతీ కార్యదర్శి పై మండల స్థాయి అధికారులకు ఫిర్యాదు చేసిన కూడా పట్టించుకోవడం లేదంటూ గ్రామస్తులు గ్రామపంచాయతీ కార్యాలయం ఎదుట ధర్నా చేపట్టారు.

ఉద్యమ కెరటం, అసిఫాబాద్ జిల్లా  ప్రతినిథి  : కొమురం భీమ్ ఆసిఫాబాద్ జిల్లా వాంకిడి మండలం ధాబా గ్రామంలోని చికిలి వాగులో మునిగి శనివారం నలుగురు మరణించిన విషాద సంఘటన నెలకొన్నది. వాగులో మునిగి మరణించిన మూడు కుటుంబాలలో తీవ్ర విషాదం నెలకొంది. సెలవు దినం కావడం ఆ కుటుంబాలకు శాపంగా మారింది. రెండవ శనివారం సెలవు దినం కావడంతో ఇద్దరు బాలికలు అదే శశికళ (10) , వాడయి మహేశ్వరి (13) , బాలుడు మోహరలే గణేష్ (10) పాఠశాల సెలవు దినం కావడంతో వారి తల్లితో కలిసి చేనుకు వెళ్లారు. చేనులో యూరియా వేసిన తర్వాత యూరియా సంచులను కడగడానికి  చికిలి వాగులో దిగి యూరియా సంచులు శుభ్రం చేస్తుండగా ఒక సంచి నీటిలో కొట్టుకుపోతుండగా దాని తీయడానికి గణేష్ అనే బాలుడు ప్రయత్నించి నీటిలో మునిగిపోయాడు. బాలుడిని రక్షించడానికి తల్లి మొహర్లె నిర్మల బాయి (35) వాగులోకి దిగింది. ఆమె సైతం నీటిలో కొట్టుకోపోతుండడంతో అక్కడ ఉన్న మహేశ్వరి, శశికళ లు ఆమెను రక్షించడానికి ప్రయత్నించి వారు కూడా నీటిలో గల్లంతయ్యారు. ఇది గమనించిన మరో బాలిక గ్రామస్తులకు సమాచారం ఇవ్వగా గ్రామస్తులు వచ్చి చికిలి వాగులో గాలించి మృతదేహాలను బయటకి తీశారు. అప్పటికే వారు మృతి చెందారు. నలుగురు నీటిలో మునిగి మరణించడంతో ధాబా గ్రామంలో విషాదం  నెలకొంది. మూడు కుటుంబాలకు చెందిన నలుగురు క్షణాల్లోనే ప్రాణాలు కోల్పోయారు. ఈ ఘటన అందరిని  కలిచివేసింది.

కొమురం భీమ్  ఆసిఫాబాద్ : తెలంగాణ రాష్ట్ర మీడియా అకాడమీ చైర్మన్ కే శ్రీనివాస్ రెడ్డి జన్మదిన వేడుకలు తెలంగాణ రాష్ట్ర వర్కింగ్ జర్నలిస్టు సంఘం  Telangana state Union of Working Journalists  ( టీయూడబ్ల్యూజే - ఐ జే యూ ) జిల్లా శాఖ ఆధ్వర్యంలో జిల్లా కేంద్రంలోని కార్యాలయంలో ఆదివారం ఘనంగా నిర్వహించారు. ఈ సందర్భంగా కేక్ కట్ చేసి ఆయన జన్మదిన వేడుకలు నిర్వహించారు. ఈ కార్యక్రమంలో టీయూడబ్ల్యూజే - ఐజేయూ జిల్లా అధ్యక్షుడు అబ్దుల్ రహమాన్ , జిల్లా అక్రిడేషన్ కమిటీ మెంబర్ ప్రకాష్ గౌడ్, టీయూడబ్ల్యూజే జిల్లా కృష్ణంరాజు , జిల్లా సహాయ కార్యదర్శులు దేవునూరి రమేష్ , అబ్దుల్ హన్నన్ , సంఘం నాయకులు మేకల శ్రీనివాస్,  సురేష్ చారి, రాధాకృష్ణ చారి తదితరులు పాల్గొన్నారు.

ఉద్యమ కెరటం, ఆసిఫాబాద్ : కేంద్ర ప్రభుత్వ విధానాలతో దేశంలో పత్తి పంట కొనుగోలుపై రానున్న రోజుల్లో ప్రభావం పడనుందని సీపీఐ(ఎం) రాష్ట్ర కార్యదర్శి వర్గ సభ్యులు బండారి రవికుమార్ ఆరోపించారు. జిల్లా కేంద్రంలోని పార్టీ కార్యాలయంలో జిల్లా కార్యదర్శి కుశాన రాజన్న అధ్యక్షతన నిర్వహించిన జిల్లా కార్యవర్గ సమావేశానికి రాష్ట్ర కమిటీ సభ్యుడు భూపాల్, మంచిర్యాల ఆదిలాబాద్ జిల్లాల కార్యదర్శులు సంకె రవి, దర్శనాల మల్లేష్ లతో కలసి ముఖ్య అతిథిగా హాజరయ్యారు. ఈ సందర్భంగా ఆయన మాట్లాడుతూ ప్రతి పంటపై ఉన్న 11% టారిఫ్ ను సున్నాకు తేవడంతో దేశంలోని పత్తి రైతులు నష్టపోయే ప్రమాదం ఉందన్నారు. అమెరికా లాంటి దేశాల నుండి వచ్చే పదివేల కోట్ల పత్తి దేశానికి చేరే ప్రమాదం ఉందని, దీనితో దేశంలోని రైతుల పంట ధర తగ్గుతుందన్నారు. పెట్టుబడి దారి దేశాలకు సహకరించే విధంగా మోడీ వ్యవహరిస్తున్నారని ఆరోపించారు. అమెరికాకు సహకరించే విధానంలో భాగంగా దేశంలోని రైతులను దెబ్బతీసే విధంగా నిర్ణయాలు తీసుకోవడం బాధాకరమన్నారు. కేంద్ర ప్రభుత్వ ఈ నిర్ణయంతో రైతులతో పాటు, జిన్నింగ్ మిల్లుల యజమానులు కూడా ఇబ్బందులు పడాల్సి వస్తుందన్నారు. ఈ విధానాన్ని వెంటనే రద్దు చేసి పాత విధానాన్ని అమలు చేయాలన్నారు. గతంలో ఎన్నడూ లేని విధంగా దేశంలో యూరియా కొరత సృష్టిస్తున్నారని అన్నారు. రైతులకు యూరియా పంపిణీపై నిర్దిష్ట విధానం లేకపోవడమే కొరతకు కారణమన్నారు. రైతులు యూరియాకు తీవ్రంగా ఇబ్బందులు పడుతున్నప్పటికీ బీజేపీ నేతలు మాట్లాడకపోవడం బాధాకరమన్నారు. రాష్ట్ర కమిటీ సభ్యుడు భూపాల్ మాట్లాడుతూ రాష్ట్రంలో ప్రభుత్వ శాఖల్లో పని చేస్తున్న ఉద్యోగులు ఉపాధ్యాయులు పి.ఆర్.సి కోసం చేస్తున్న ఉద్యమానికి తాము మద్దతు పలకనున్నట్లు తెలిపారు. కార్మిక రంగంలో కోటి 20 లక్షల మంది పనిచేస్తున్నారని వారికి కనీస వేతనం వెంటనే 26,000 అమలు చేయాలని డిమాండ్ చేశారు. రాష్ట్రంలో ప్రభుత్వ శాఖల్లో పని చేస్తున్న ఉద్యోగులకు జీతాలు ఇచ్చే పరిస్థితి లేదని, అనేక శాఖల్లో నెలల తరబడి వేతనాలు పెండింగ్ లో ఉండడం దారుణం అన్నారు. నెల నెల వేతనాలు చెల్లించాలని డిమాండ్ చేశారు. జిల్లా కార్యదర్శి కుశన రాజన్న మాట్లాడుతూ జిల్లాకు ప్రాణాధారమైన అడ ప్రాజెక్టు మరమ్మత్తులు లేకపోవడంతో 45000 ఎకరాలకు గాను 4000 ఎకరాలకు కూడా సాగునీరు అందించే పరిస్థితి లేదన్నారు. వెంటనే పూర్తిస్థాయి మరమ్మతులు చేసి రైతులకు నీరు అందించాలని కోరారు. జిల్లాల కోరిసిన భారీ వర్షాలకు వేల ఎకరాల్లో పంట నష్టపోయిందని, రైతులు ప్రభుత్వ సహాయం కోసం ఎదురుచూస్తున్నారని అన్నారు. రైతులు నష్టపోయిన పంటను వెంటనే సర్వే చేయించి పరిహారం చెల్లించాలని లేదంటే రైతుల తరపున పోరాడాల్సి ఉంటుందన్నారు. ఈ సందర్భంగా విలేకరులు మమత కేసు విషయం పై అడగగా సఖి సెంటర్లో పని చేస్తున్న ఉద్యోగి మమత కేసులో పోలీసు ఉన్నత అధికారులు సమగ్ర విచారణ జరిపించి ఆమె పిల్లలకు కుటుంబ సభ్యులకు న్యాయం జరిగే విధంగా చర్యలు తీసుకోవాలని కోరారు. ఈ కార్యక్రమంలో పార్టీ జిల్లా కార్యదర్శి వర్గ   సభ్యులు దుర్గం దినకర్, జిల్లా కమిటీ సభ్యులు కార్తీక్, రాజేందర్, ఆనంద్, టీకానంద్ పాల్గొన్నారు.

ఉద్యమ కెరటం, ఆసిఫాబాద్ టౌన్ : ప్రవక్త ముహమ్మద్ బోధనలైన శాంతి, సహనం, సామరస్యాన్ని గురించి చూపించిన సన్మార్గంలో ప్రతి ఒక్కరూ నడవాలని ఆసిఫాబాద్ ఎమ్మెల్యే కోవ లక్ష్మి తెలిపారు. ఆదివారం ఆసిఫాబాద్ పట్టణ కేంద్రంలో మీలాద్ ఉన్ నబి పండగ సందర్బంగా మహ్మదియా రజా దిని మదర్సా హెడ్ మాస్టర్ షబానా బేగం ఆధ్వర్యంలో క్విజ్ పోటీలో గెలిచిన విద్యార్థులకు ఎ రోజ్ గార్డెన్ లో ఆసిఫాబాద్ ఎమ్మెల్యే  కోవ లక్ష్మి ( MLA Kova Lakshmi ) బహుమతులు అందజేశారు. అనంతరం స్కూల్ సిబ్బంది ఎమ్మెల్యే గారికి శాలువాతో ఘనంగా సన్మానించారు. ఈ సందర్భంగా ఎమ్మెల్యే కోవ లక్ష్మి మాట్లాడుతూ ప్రవక్త ముహమ్మద్ (సల్లల్లాహు అలైహి వసల్లం S A W )ఆయన సత్యం, శాంతి, దయ, సమానత్వం కోసం ఎంత కృషి చేశారని తెలిపారు. మన దేశంలో అనేక మతాలు, సంస్కృతులు కలిసి జీవిస్తున్నామని, అన్ని మతాల ప్రజలు కలిసిమెలిసి ఉండాలని  ఎమ్మెల్యే కోరారు. విద్య, ఉపాధి, ఆర్థిక సహాయం వంటి వాటిలో ప్రభుత్వం  తోడ్పాటు అందించాలని, ముస్లిం సమాజం అభివృద్ధిలో భాగం కావడానికి ఈ ప్రభుత్వం కట్టుబడి ఉండాలని చెప్పారు. 

ఉద్యమ కెరటం, సిర్పూర్ టీ :  కొమురం భీమ్ ఆసిఫాబాద్ జిల్లాలోని  కాగజ్ నగర్ డిఎస్పీగా పనిచేసిన బి.రామానుజం  అదనపు ఎస్పీగా పదోన్నతి పొందారు. సోమవారం ఈ సందర్భంగా ఎస్పీ కాంతిలాల్ పాటిల్ ని మర్యాదపూర్వకంగా కలిసి పూల మొక్క అందించారు. ఎస్పీ  ఆయనకు సింహతలాటం బ్యాడ్జిని తొడిగి, శుభాకాంక్షలు తెలిపారు. అదనపు ఎస్పీ రామానుజం  పదోన్నతి పై డిజిపి ఆఫీసులో రిపోర్ట్ చేయవలసిందిగా, డిజిపి కార్యాలయం నుండి ఉత్తర్వులు జారీ అయ్యాయి.

 ఉద్యమ కెరటం సిర్పూర్  టి : తెలంగాణ రాష్ట్రంలో పండుగ రోజు కూడా వర్షంలో యూరియ కోసం రైతులు లైన్లలో నిల్చుంటే, రాష్ట్ర ముఖ్యమంత్రి బీహార్ ఎన్నికల ప్రచారంలో బిజీగా ఉంటూ రైతుల గోస పట్టించుకోవడం లేదని  బీఆర్ఎస్ ప్రధాన కార్యదర్శి డా.ఆర్ఎస్ ప్రవీణ్ కుమార్ ఆరోపించారు. సిర్పూర్ మండల కేంద్రంలో ప్రెస్ మీట్ లో ఆయన పాల్గొని మాట్లాడుతూ యూరియ కోసం  కాంగ్రెస్, బిజేపి రాజకీయాలు చేస్తూ రైతులను మోసం చేస్తున్నారన్నారు. కాంగ్రెస్ నాయకులు కేంద్ర ప్రభుత్వం యూరియ ఇవ్వలేదంటుంటే, బిజెపి ఇచ్చామంటుందని మధ్యలో రైతులే మోసపోతున్నారని తెలిపారు. వాస్తవానికి యూరియ కొరతకు కాంగ్రెస్, బీజేపి పార్టీల బ్లాక్ దందానే కారణమన్నారు. కాంగ్రెస్, బిజెపి నాయకులు తమ అనుచరుల ద్వారా యూరియ తీసుకొని బ్లాక్ లో అధిక ధరలకు అమ్ముతూ జేబులు నింపుకుంటున్నారని పేర్కొన్నారు. రైతుల నుండి దోచుకున్న సొమ్మును రేవంత్ రెడ్డి ఢిల్లీకి పంపుతున్నారని స్పష్టం చేశారు. మరోపక్క విద్యార్థులు ఫీజు రియంబర్స్ మెంట్ రాక అవస్థలు పడుతుంటే, ప్రభుత్వం పట్టించుకోవడం లేదని విమర్శించారు. విద్యాశాఖ మంత్రి ఏం చేస్తున్నారని నిలదీశారు. కాంగ్రెస్ ప్రభుత్వం వేల కోట్ల రూపాయల టెండర్లు పొంగులేటి శ్రీనివాస్ రెడ్డి, మెఘా కృష్ణా రెడ్డి, సిఎం రమేష్ వంటి వారికి ఇస్తున్నారు కానీ,విద్యార్థుల బకాయిలు మాత్రం చెల్లించడం లేదన్నారు. విద్యార్థులకు డబ్బులు లేవు కానీ కాంట్రాక్టర్లకు ఇవ్వడానికి డబ్బులున్నాయా అని నిలదీశారు. కాంగ్రెస్ పాలనలో రైతులు విద్యార్థులు మోసపోయారని,అందుకే తెలంగాణలో తిరిగి కేసిఆర్ పాలన రావాలని కోరుకుంటున్నారని తెలిపారు. ఇటీవల కురిసిన వర్షాల వల్ల ప్రాణహిత నది పొంగి ప్రవహించడం వల్ల వేల ఎకరాల్లో పంటకు నష్టం కలిగిందని, ప్రభుత్వం బాధిత రైతులకు నష్టపరిహారం చెల్లించి ఆదుకోవాలని డిమాండ్ చేశారు. సిర్పూర్ మండల కేంద్రంలో అనేక సమస్యలున్నాయని, బస్టాండ్, డైనేజి సౌకర్యం లేదని,100 పడకల హాస్పిటల్ ఉన్నా, డాక్టర్లు సిబ్బంది లేరని, జనరేటర్ పనిచేయడంలేదని వెంటనే మౌలిక సదుపాయాలు కల్పించాలని డిమాండ్ చేశారు. సిర్పూర్  మండలంలోని ఆరెగూడ, వెంకటరావుపేట్, డోర్ పల్లి, బెంగాలీ క్యాంపులో పర్యటించిన ప్రవీణ్ కుమార్ గ్రామస్తులను బిఆర్ఎస్ కండువా కప్పి పార్టీలోకి కండువా కప్పి ఆహ్వానించారు. ఈ కార్యక్రమంలో నియోజకవర్గ కన్వీనర్  శ్యాంరావు, మండల కన్వీనర్ అస్లాం, సీనియర్ నాయకులు చాంద్ పాషా, కొంగ సత్యనారాయణ, నియోజకవర్గ మహిళా నాయకురాలు లలిత, మండల నాయకులు హీరామన్, వర్మ తదితరులు పాల్గొన్నారు.

 ఉద్యమ కెరటం, మంచిర్యాల: ఎల్లప్పుడూ సామాజిక సేవలో అంజనీ పుత్ర సంస్థ ( Anjani putra ) ముందుంటుందని అంజనీ పుత్ర సంస్థ చైర్మన్ గుర్రాల శ్రీధర్, మేనేజింగ్ డైరెక్టర్ పిల్లి రవి అన్నారు. గురువారం మంచిర్యాలలో  అంజనీపుత్ర ఎస్టేట్ ఆధ్వర్యంలో  వినాయక నవరాత్రోత్సవాల్లో మొదటి రోజున 2 వేల మందికి  అన్నదాన కార్యక్రమం నిర్వహించారు. ఈ సందర్భంగా భక్తుల ఆశీర్వచనాలు అందుకున్నారు. అనంతరం వారు మాట్లాడుతూ అన్ని దానాల్లో అన్న దానం గొప్పదని.  గణేశ్ నవరాత్రి ఉత్సవాల్లో అంజనీ పుత్ర అన్నదాన కార్యక్రమాలకు ప్రత్యేక స్థానం ఏర్పడిందన్నారు. దాదాపు వినాయక ప్రతిమ ప్రతిష్ఠించిన ప్రతిచోటా  అన్నదానం తప్పనిసరయింది జనాభా సంఖ్యకు అనుగుణంగా భారీగానే  అన్నదానం నిర్వహించామన్నారు. ఈ కార్యక్రమం లో అంజనీ పుత్ర సంస్థ ఎగ్జిక్యూటివ్ డైరెక్టర్ లుసూరినేనీ కిషన్, కాసర్ల సదాందం, డైరెక్టర్ లు, సిబ్బంది, ప్రజలు పాల్గొన్నారు.

ఉద్యమ కెరటం, ఆసిఫాబాద్ టౌన్  : జిల్లా వ్యాప్తంగా ఉన్న ప్రైవేట్ ఆసుపత్రిలో ప్రభుత్వా నియమ నిబంధనలు పాటించకుండా వైద్యం పేరుతో అమాయక ప్రజలను ఆర్థికంగా దోచుకుంటున్నారని  డివైఎఫ్ఐ  జిల్లా అధ్యక్ష కార్యదర్శులు గెడం టీకానంద్, గోడిసెల కార్తీక్ , కేవీపీఎస్ జిల్లా కార్యదర్శి దుర్గం దినకర్ ఆరోపించారు. గురువారం జిల్లా వైద్యాధికారి  కార్యాలయంలో జిల్లా వైద్యాధికారి సీతారాం కు వినతి పత్రం అందజేశారు. ఈ సందర్భంగా వారు మాట్లాడుతూ కొన్ని ఆసుపత్రిలలో ప్రదర్శించి ధరల పట్టిక లో ఒక ధర ఉంటే,  సిబ్బంది అధికంగా వసూలు చేస్తున్నరన్నారు . సూచనల బోర్డు మీద ఒక డాక్టర్ పేరు ఉంటే వైద్యం ఇంకొక డాక్టర్ చేస్తున్నారని ఆరోపించారు. ఆసిఫాబాద్ , కాగజ్నగర్ పట్టణాలలో కొంతమంది నకిలీ సర్టిఫికెట్లతో ఆసుపత్రిలను నిర్వహిస్తున్నారని , జిల్లా ప్రజల ప్రాణాలు దృష్టిలో ఉంచుకొని అలాంటి ఆసుపత్రిలపై విచారణ జరిపి కఠిన చర్యలు తీసుకోవాలని కోరారు .

ఉద్యమ కెరటం, ఆసిఫాబాద్ : జిల్లాలోని అన్ని గ్రామపంచాయతీలలో గ్రామపంచాయతీ ముసాయిదా ఓటర్ల జాబితా వార్డుల వారీగా ప్రచురించడం జరిగిందని, మండల కార్యాలయంలో పోలింగ్ కేంద్రాల ముసాయిదా ప్రచురించడం జరిగిందని జిల్లా పంచాయతీ అధికారి (DPO ) బిక్షపతి గౌడ్ (Bikshapathi Goud) తెలిపారు. జాబితా పై ఏమైనా అభ్యంతరాలు ఉన్నట్లయితే ఈ నెల 28వ తేదీ నుండి 30వ తేదీ వరకు సంబంధిత పంచాయతీ కార్యదర్శి, మండల పరిషత్ అభివృద్ధి అధికారులకు తెలియపరచాలని, ఈనెల 31 వ తేదీ వరకు అభ్యంతరాలను పరిశీలించి సెప్టెంబర్ 2వ తేదీన అన్ని గ్రామ పంచాయతీలలో తుది ఓటర్ల జాబితా ప్రచురించడం జరుగుతుందని తెలిపారు. ఓటర్ల జాబితా నేపథ్యంలో ఈనెల 29వ తేదీన జిల్లా స్థాయిలో జిల్లా కలెక్టర్, 30వ తేదీన మండల స్థాయిలో మండల పరిషత్ అభివృద్ధి అధికారుల ఆధ్వర్యంలో అన్ని రాజకీయ పార్టీల ప్రతినిధులతో సమావేశాలు నిర్వహించడం జరుగుతుందని తెలిపారు.

ఉద్యమ కెరటం, సిరిసిల్ల /కామారెడ్డి : సిరిసిల్లలో వరద ప్రాంతాలను గురువారం  బీఆర్ఎస్ వర్కింగ్ ప్రెసిడెంట్ , స్థానిక ఎమ్మెల్లే కేటీఆర్ పరిశీలించారు.గంభీరావు పేట మండలం నర్మాల ఎగువ మానేరు వాగు లో చిక్కు కున్న రైతులను పలకరించారు. అనంతరం కేటీఆర్ మీడియతో మాట్లాడుతూ వరద ప్రవాహం వల్ల నష్ట పోయిన పంట పొలాలకు ఎకరానికి 25000/- చొప్పున రైతులకు నష్ట పరిహారం ,  భారీ వర్షాల వల్ల కూలి పోయిన  ఇండ్ల వారికీ వెంటనే ఇందిరమ్మ ఇళ్ళు మంజూరు చేయాలన్నారు. వరదల్లో ప్రాణాలు పోయిన వారి కుటుంబానికి 25 లక్షల సహాయం చెయ్యాలని రాష్ట్ర ప్రభుత్వాన్ని కోరారు. వరదల్లో చిక్కుకున్న రైతులకు సహాయం కొరకు రెండు రోజుల నుంచి జిల్లా అధికారులు మండల ప్రభుత్వ అధికారుల పని తీరు బాగుందని వారిని అభినందించారు.  అనంతరం
కామారెడ్డి వెళ్లేందుకు కామారెడ్డి జిల్లాలోని మాచారెడ్డికి చేరుకున్నారు. అక్కడ ఆయన పాల్వంచ వాగు ఉధృతిని, తెగిన రోడ్డును పరిశీలించారు. రోడ్డు తెగిపోవడం, వరద ఉధృతి వలన కామారెడ్డి వైపు రాకపోకలు నిలిచిపోయాయి. దీంతో పాల్వంచ నుంచి కేటీఆర్ తిరిగి సిరిసిల్ల బయలుదేరారు.  పాల్వంచ వాగు వరదల వల్ల జనజీవనానికి ఏర్పడిన ఆటంకాల పై ఆయన వివరాలు అడిగి తెలుసుకున్నారు.మాజీ ఎమ్మెల్యే గంప గోవర్దన్ గారి తో, స్థానిక నాయకులతో ఫోన్లో మాట్లాడి వరద బాధితులకు అండగా ఉండాలని సూచించారు.

ఉద్యమ కెరటం , నేరడిగొండ : భారీ వర్షాలు కురుస్తున్న నేపథ్యంలో గ్రామీణ ప్రాంతాల్లో సీజనల్ వ్యాధులు ప్రభలకుండ తగు చర్యలు చెపట్టాలని అడిషనల్ డిఎంహెచ్ఓ (Deputy DM&HO) డాక్టర్. టి మనోహర్ అన్నారు. గురువారం మండలకేంద్రంలోని ప్రాథమిక ఆరోగ్య కేంద్రాన్ని సందర్శించి ఆకస్మిక తనిఖీలు చేపట్టారు.ఓపి రిజస్టర్, ప్రసవ గదిని పరిశీలించారు. ఈ సందర్బంగా అయన మాట్లాడుతు,వైద్య సిబ్బంది ప్రజలకు అందుబాటులో ఉంటూ మెరుగైన వైద్య సేవలు అందించాలని అన్నారు.ప్రసవాలు ప్రభుత్వ ఆసుపత్రిలో జరుపుకునేలా అవగాహన కలించాలని సూచించారు. అదేవిదంగా గ్రామీణ ప్రాంతాల్లో పరిసరాలు,వ్యక్తిగత పరిశుభ్రత పట్ల ప్రత్యేక చర్యలు తీసుకోవాలని సూచించారు.ఆయన వెంట హెచ్ఇఓ పవర్ రవీందర్,మెహన్ బాపూజీ, వాణి ఉత్తమ్ సింగ్, సాయన్న, నర్సయ్య, తదితరులు ఉన్నారు.

ఉద్యమ కెరటం, గంభీరావుపేట : గంభీరావుపేట మండలం ఎగువ మానేరు ప్రాజెక్టు వద్ద చిక్కుకున్న వారిని క్షేమంగా తరలించినట్లు జిల్లా కలెక్టర్  సందీప్ కుమార్ ఝా, ఎస్పి మహేష్ బి గితే తెలిపారు. నర్మాల వద్ద ఉన్న ఎగువ మానేరు ప్రాజెక్టు అవతలి వైపు పశువులను మేపేందుకు వెళ్లి ఏడుగురు కాపరులు అక్కడే చిక్కుకుపోగా, కలెక్టర్, ఎస్పీ సహాయక చర్యలను ముమ్మరం చేశారు. చిక్కుకున్న వారికి ఆహార సదుపాయం కల్పించారు. (Sircilla Dist Helicopters Army Rescue ) హకీంపేటలోనే సైనిక హెలికాప్టర్లు గురువారం మధ్యాహ్నం 12:40  చేరుకొని రైతులు జంగం స్వామి, ⁠పిట్ల స్వామి, ⁠పిట్ల మహేష్,పిట్ల నర్సింలు, ధ్యానబోయిన స్వామి,బిసే ప్రదీప్,బిసే ఛాయా లను క్షేమంగా గమ్యం చేర్చారు. ఏర్పాట్లను కేంద్ర మంత్రి బండి సంజయ్ కుమార్, ప్రభుత్వ విప్, వేములవాడ ఎమ్మెల్యే ఆది శ్రీనివాస్, జిల్లా అధికార యంత్రాంగం దగ్గరుండి పర్యవేక్షించారు.

ఉద్యమ కెరటం, అసిఫాబాద్ టౌన్ : పర్యావరణాన్ని పరిరక్షించే బాధ్యత  ప్రతి ఒక్కరు విధిగా తీసుకోవాలని సిఐ బాలాజీ వరప్రసాద్ అన్నారు బుధవారం జిల్లా కేంద్రంలో మున్నూరు కాపు సంఘం ఆధ్వర్యలో మట్టి వినాయకుల పంపిణీ కార్యక్రమానికి ముఖ్యఅతిథిగా హాజరై సంఘం నాయకులతో కలసి మట్టి వినాయకుల ను పంపిణీ చేశారు. ఈ సందర్భంగా ఆయన మాట్లాడుతూ మట్టి వినాయకులను ఏర్పాటు చేయడం ద్వారా కొంత మేరకు పర్యావరనాన్ని కాపాడుకోవచ్చన్నారు. ప్లాస్టర్ ఆఫ్ పారిస్ విగ్రహాలను వాడటం  ద్వారా నీటి కాలుష్యం ఏర్పడి పశువులకు హాని జరుగుతుందనీ అన్నారు. మున్నూరు కాపు సంఘం ద్వారా మట్టి వినాయకుల ను పంపిణీ చేయడం చాలా అభిందనీయమని అన్నారు. ఈ కార్యక్రమంలో ఎస్సై ఉదయ్ కిరణ్, మున్నూరు కాపు సంఘం నాయకులు వెంకన్న,గణపతి, సురేష్, సదాశివ్, ప్రహ్లాద్, జక్కయ్య, పెంటయ్య, శంకర్, గోపాల్, వెంకటేశ్వర్లు, శ్రీనివాస్ తదితరులు పాల్గొన్నారు.

ఉద్యమ కెరటం , సిరిసిల్ల : రాష్ట్రంలో భారీ వర్షాలు కురుస్తాయని వాతావరణ శాఖ సూచనల నేపథ్యంలో రాజన్న సిరిసిల్ల జిల్లా  కలెక్టరేట్ కార్యాలయంలో గతంలో ఏర్పాటు చేసిన కంట్రోల్ రూమ్ సేవలు వినియోగించుకోవాలని జిల్లా కలెక్టర్ ( Dist Collector) సందీప్ కుమార్ ఝా ( Sandeep Kumar Jha)  తెలిపారు. భారీ వర్షాలు  కురుస్తాయని వాతావరణ శాఖ  వెల్లడించిన నేపథ్యంలో సంబంధిత అన్ని శాఖలను అప్రమత్తం చేసినట్లు కలెక్టర్ పేర్కొన్నారు. లోతట్టు ప్రాంతాలలో లో లెవెల్ కాజ్ వే ల వద్ద అప్రమత్త చర్యలు తీసుకుంటున్నట్లు తెలిపారు. రెవెన్యూ, పోలీస్, విద్యుత్, వ్యవసాయ, హెల్త్, పి.ఆర్, మిషన్ భగీరథ ఇతర శాఖల అధికారులు కంట్రోల్ రూంలో సేవలు అందిస్తున్నారని తెలిపారు. వివిధ అధికారులు అందుబాటులో ఉండి, వర్షాలు, వరదలతో ఇబ్బంది పడుతున్న ప్రజలకు తగిన సమాచారం అందిస్తారు. సంబంధిత శాఖల అధికారులతో సమన్వయం చేసుకుని, వరద ప్రభావిత ప్రజలకు సహాయం చేసేలా సేవలు అందిస్తారు. 24 గంటలు ఆయా శాఖల అధికారులు అందుబాటులో ఉంటారని పేర్కొన్నారు. భారీ వర్షాల నేపథ్యంలో ప్రజలు అప్రమత్తంగా ఉండాలని కలెక్టర్ పేర్కొన్నారు.రాజన్న సిరిసిల్ల జిల్లా కలెక్టరేట్ కార్యాలయంలో కంట్రోల్ రూమ్ ను ఏర్పాటు చేశామని, ఎక్కడైనా ఇబ్బందులు ఉన్నట్లయితే కంట్రోల్ రూమ్ నెంబర్లు  టోల్ ఫ్రీ నెంబర్ 1800 233 1495, వాట్సాప్ సెల్ నెంబర్ 9398684240 లను వర్షం, వరద ప్రభావిత ప్రజలు సద్వినియోగం చేసుకోవాలని కలెక్టర్ సందీప్ కుమార్ ఝా ప్రజలకు సూచించారు. జిల్లా, మండల స్థాయి అధికారులు తమ, తమ  హెడ్ క్వార్టర్స్ , క్షేత్రస్థాయిలో అందుబాటులో ఉండాలన్నారు. వర్షాల కారణంగా ఎక్కడైనా ఇబ్బందులు ఉన్నట్లయితే అధికారులు వెంటనే తగిన చర్యలు తీసుకోవాలని, ప్రజలు అత్యవసరమైతే తప్ప బయటికి రా వద్దని  ఈ ప్రకటనలో పేర్కొన్నారు.

ఉద్యమ కెరటం, ఆసిఫాబాద్ : వాతావరణ శాఖ సూచన మేరకు ఈ నెల 28వ తేదీన జిల్లాలో భారీ వర్షాలు కురిసే అవకాశం ఉన్నందున ప్రైవేటు ప్రభుత్వ పాఠశాలలు, అంగన్వాడీ కేంద్రాలకు సెలవు ప్రకటించడం జరిగిందని జిల్లా కలెక్టర్ వెంకటేష్ ధోత్రే  తెలిపారు. విద్యార్థుల రవాణా, ఆరోగ్యం దృష్ట్యా నిర్ణయం తీసుకోవడం జరిగిందని తెలిపారు. ప్రజలు అత్యవసరమైతేనే బయటకు రావాలని, ప్రజల సౌకర్యార్థం జిల్లా కేంద్రంలోని సమీకృత జిల్లా కలెక్టరేట్ సముదాయంలో కంట్రోల్ రూమ్ నంబర్ 8500844365 ఏర్పాటు చేయడం జరిగిందని, తక్షణ సహాయం, సమాచారం కోసం సంప్రదించవచ్చని తెలిపారు. జిల్లాలోని లోతట్టు, వరద ప్రభావిత ప్రాంతాల ప్రజల కొరకు పునరావాస కేంద్రాలు ఏర్పాటు చేయడం జరిగిందని, ప్రజలు ఆందోళన చెందవలసిన అవసరం లేదని తెలిపారు. 

ఉద్యమ కెరటం, అదిలాబాద్ : వర్షాలు ఎక్కువగా కురుస్తున్న నేపథ్యంలో క్షేత్రస్థాయిలో  అధికారులు అందుబాటులో ఉండాలని ఉమ్మడి ఆదిలాబాద్ జిల్లా కలెక్టర్లను మంత్రి జూపల్లి కృష్ణారావు అప్రమత్తం  చేశారు. ఎడతెరిపి లేకుండా కురుస్తున్న వర్షాలపై ఆసిఫాబాద్ , ఆదిలాబాద్, నిర్మల్, మంచిర్యాల జిల్లాల కలెక్టర్లతో ఫోన్ లో మాట్లాడారు.  ఎక్కడెక్కడ వర్షాలు అధికంగా కురుస్తున్నాయి? జిల్లాల్లో వరద పరిస్థితులు ఎలా ఉన్నాయని ఆరా తీశారు.  లోతట్టు ప్రాంతాల ప్రజలను అప్రమత్తం చేయాలని దిశా నిర్దేశం చేశారు. ఒకవేళ అధిక వర్షాలు పడితే ఎలాంటి పరిస్థితినైనా ఎదుర్కొనేందుకు సిద్ధంగా ఉండాలని సూచించారు. మరోవైపు రైతులకు యూరియా సరఫరా ఎలా చేస్తున్నారు..? కొరత ఏమైనా ఉందా..? అని ప్రశ్నించారు. ప్రభుత్వ , ప్రైవేట్ ఫెర్టిలైజర్ షాపు ల్లో ఎప్పటికప్పుడు పర్యవేక్షించేలా అధికారులను అప్రమత్తం చేయాలని ఆదేశించారు.